person of interest.
Wednesday, March 29, 2017
I wen go Hawai'i in Centah City.
Ehhhh! Took me one week fo' find dis place, yeah, but finally, yeah. Das da Poi Dog for Ono Grindz, in Philadelphia, one island of Hawai'i on da East Coast.
Das da spirit, gotta spred 'em ovah heah 'cuz, you know, deez guys, dey need 'em bad.
An' on top da menu, have...yeah, das right: da SPAM MUSUBI!!!
Almost wen go have haht attack, I wuz so happy.
An' even get da Hawaiian Sun Guava juice, brah. Das like, bring da islands home to you, even do' you no stay deah, yeah.
An aftah, no get habut, jes come back one uddah time. Save yo' pennies an' try da poke or da kahlua pig!
Hawaiian designs on da floah, like Tutu used-ted to make.
An' one good use of da can of SPAM - fo' hold da chopsticks! Boy, dose guys wen go tink of everyting, an den. Akamai, dat.
Sorry so blurry, bruddahs and titas, but you can check 'em out: you get yo' macaroni salad, yo' kahlua pig, an'...yo' two scoops rice! Wid da poke smilin' atchoo on da leff-hand side of da peetchah.
An den, da SPAM MUSUBI, almost, what can I say...spiritual, yeah, on top da MAHALO. Still nevah yet wen go eat 'em. Jes waiting fo' wen get da munchies again.
An' das right, das da spirit - kokua, da planet gon' tank you.
Aw, wuz so ono and so good, I wen go feel a little homeseeck, aftah, but das arright, bum bay can handle. So good fo' have one little island of Hawai'i in da meedle of all dis mainlan' kine stuffs.
Post a Comment
Post Comments (Atom)